Description

١) تجهيز الجيم

• فنط الورق كويس.
• كل لاعب بياخد كارت بداية.
• كروت البداية لا يمكن تختلس ولا تتفجر.
• لو عدد اللاعبين أقل من 6، استبعد كروت البداية الزيادة على جنب (ما تدخلش في ورق السحب).

٢) في دورك

• في كل دور، اسحب كارت واحد من الورق.
• الحد الأقصى للكروت في إيدك هو ٥ كروت.

٣) ايد مليانة

لو إيدك مليانة (معاك ٥ كروت) وسحبت كارت جديد، قدامك خيارين:
• تنزله جنب كروت السحب علي وشه (من غير ما حد يشوفه).
• أو تبدل واحد من كروتك مع الكارت الجديد.
• الحالة الوحيدة اللي ممكن يبقي معاك فيها اكتر من ٥ كروت هو استخدام كارت المختلس فقط
• لو خسرت الكروت الزيادة اللي جاتلك من كارت المختلس بيرجع الحد الأقصى لإيدك لـ ٥ كروت.

٤) كروت الاكشن

• فلوس فالصو: فلوس مش بتتحسب في مجموعك، وتحاول تلبسها للاعبين التانيين باستخدام الأكشن كاردز.
• المختلس: تسرق كارتين من أي لاعب تختاره.
• كاش باك: تستخدمه فقط بعد ما حد يسرق منك. تقدر ترجع كارت واحد يعجبك من اللاعب اللي سرقك. (لو محدش سرقك، الكارت بيتأجل لحد ما تتسرق).
• قنبلة: تختار لاعب وتختار كارتين من كروته وتنزلهم على الأرض على وشهم جنب الورق (ماحدش ياخدهم).
• بلوك: يمنع أي كارت أكشن (حتى الهايست).
• هايست: تاخد كل كروت لاعب واحد. اللاعب يحتفظ بـ٥ كروت فقط حتى لو كان معاه ٧، والباقي ينزل على وشه جنب الورق.
معلومة: الأكشن كاردز ينفع تستخدمها في أي وقت، مش بس وقت ما تسحبها.

٥) الاسكور

• لما ورق السحب يخلص، كل اللاعبين يكشفوا كروتهم ويجمعوا الفلوس (مع استبعاد الفلوس الفالصو والاكشن).
• اللي معاه أكتر فلوس هو الفايز بالجولة وبيكسب ١٠ نقاط.
• ممكن تلعب جولات كتير زي ما تحب أو تحدد عدد نقاط للفوز الكبير.